ԱՄՆ նախագահ Դոնալդ Թրամփը Սպիտակ տանը փոքր բիզնեսին նվիրված միջոցառման ժամանակ Իրանի հետ հակամարտությունն անվանել է «պատերազմ», հայտնում է NBC News-ը:
«Նրանք հարցում են անցկացրել Իրանի հետ պատերազմի վերաբերյալ և ասել են, որ դա միայն մարդկանց 32%-ի սրտով է»,- ասել է Թրամփը՝ չհստակեցնելով, թե ով է անցկացրել հարցումը:
«Դե, իմսրտով չէ, ես ընդհանրապես պատերազմ չեմ սիրում: Մենք մասնակցում ենք, ես դա անվանում եմ մինի-պատերազմ»,- մի քանի ակնթարթ անց հավելել է Թրամփը:
Ինչպես հիշեցնում է հեռուստաալիքը, ավելի վաղ Թրամփն ասել էր, որ իրեն խորհուրդ են տվել այս հակամարտությունը պատերազմ չանվանել:
ԱՄՆ-ը և Իսրայելը սկսել են հարվածներ հասցնել Իրանին փետրվարի 28-ին: Թրամփի վարչակազմը նախորդ շաբաթ փորձել է շրջանցել Իրանի հարցով Կոնգրեսի հավանությունը՝ պնդելով, որ Թեհրանի և Վաշինգտոնի միջև ժամանակավոր հրադադարը նշանակում է, որ «2026 թվականի փետրվարի 28-ին սկսված ռազմական գործողությունները դադարել են», և հետևաբար Կոնգրեսի հավանությունը չի պահանջվում:
Բազմաթիվ իրավաբան փորձագետներ վիճարկում են տասնամյա վաղեմության օրենքի նման մեկնաբանությունը, որը պահանջում է Կոնգրեսի հավանությունը ռազմական հակամարտությունների 60-օրյա շեմը լրանալուց հետո: