ԱՄՆ Գաղտնի ծառայությունն այսօր կեսօրին արձագանքել է այն իրադարձությանը, որը բնութագրել է որպես սպայի մասնակցությամբ հրաձգություն Վաշինգտոնի հուշարձանի մոտ՝ մոտավորապես այն նույն ժամանակահատվածում, երբ մամուլի ներկայացուցիչները տարհանվել էին Սպիտակ տան Հյուսիսային մարգագետնից. հայտնում է NBC News-ը:
«ԱՄՆ Գաղտնի ծառայության աշխատակիցները գտնվում են Վաշինգտոնի 15-րդ փողոցի և Ինդեփենդենս պողոտայի անկյունում տեղի ունեցած սպայի մասնակցությամբ հրաձգության վայրում: Իրավապահ մարմինների աշխատակիցները մեկ մարդու են գնդակահարել. նրա վիճակն այս պահին հայտնի չէ,- հայտնել են Գաղտնի ծառայությունից: -Խնդրում ենք խուսափել այդ տարածքից, քանի որ շտապօգնության բրիգադները միջոցներ են ձեռնարկում»:
ԱՄՆ նախագահ Դոնալդ Թրամփի մասնակցությամբ միջոցառումը Սպիտակ տանը միջադեպի ժամանակ անխափան շարունակվել է: