Անօդաչու թռչող սարքերի համալրումը ռեակտիվ շարժիչներով իրական սպառնալիք է դառնում. հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը, հայտնում է РИА Новости-ն:
Մեդվեդևը հինգշաբթի այցելել է Լենինգրադյան ռազմական օկրուգի ուսումնական կենտրոն:
«Սովորական շարժիչներին փոխարինելու են գալիս ռեակտիվ շարժիչները: Բնականաբար, դրոններն ավելի արագ են թռչում: Դուք գիտեք, թե այդ ամենն ինչի է հանգեցնում. դա իրական սպառնալիք է և՛ պետության, և՛ բնակչության համար, և՛ խնդիր՝ մարտական գործողությունների ընթացքում»,- զինծառայողների հետ հանդիպման ժամանակ նշել է նա:
Բացի դրանից, ՌԴ Անվտանգության խորհրդի փոխնախագահը վստահություն է հայտնել, որ արդեն հինգ տարի անց անօդաչուների արդյունաբերությունն անճանաչելիորեն կփոխվի: