Ղազախստանի նախագահ Կասիմ-Ժոմարտ Տոկաևը հայտարարել է, որ Կասպից ծովի տարածաշրջանում պետք է բացարձակապես արգելվի ու բացառվի որևէ զինատեսակի կիրառումը։
Տեղական լրատվամիջոցների փոխանցմամբ՝ Տոկաևն ընդգծել է, որ Կասպից ծովն այսօր վտանգված է, և դրա պահպանումը կենսական նշանակություն ունի տարածաշրջանային կայունության ու էկոլոգիական հավասարակշռության համար։
«Մենք կոչ ենք անում մեր բոլոր միջազգային գործընկերներին, որ սատարեն այս բացառիկ բնական հարստության պահպանմանն ուղղված ջանքերը։ Հետևաբար, Կասպից ծովի տարածաշրջանում ռազմական ուժի կիրառումը պետք է անթույլատրելի լինի և օրենքով արգելվի»,- շեշտել է նա։