Իրանը կարող է մասնակցել Միացյալ Նահանգների հետ Պակիստանում անցկացվելիք բանակցություններին, եթե Վաշինգտոնը հրաժարվի ճնշումների և սպառնալիքների իր քաղաքականությունից. երեքշաբթի Reuters գործակալությանը հայտնել է իրանցի բարձրաստիճան պաշտոնյան։
Նա ընդգծել է, որ Թեհրանը մերժում է բանակցությունները, որոնք ուղղված են կապիտուլյացիային։
Պաշտոնյան հայտարարել է, որ միջնորդի դեր ստանձնած Պակիստանը շարունակում է ջանքերը՝ համոզելու համար Միացյալ Նահանգներին վերացնել ծովային շրջափակումը և ազատ արձակել իրանական դրոշի ներքո հանդես եկող Touska բեռնարկղային նավն ու նավի անձնակազմին, որը կիրակի օրն առգրավել և զավթվել էին ամերիկյան ուժերը։
Նա Վաշինգտոնին մեղադրել է «պատերազմը դադարեցնելուն ուղղված տարաձայնությունները լուծելու փոխարեն ամեն օր նոր խոչընդոտներ ստեղծելու մեջ»։