Ռուսաստանի ներկայացուցիչներն ամերիկյան կողմին ասում են, որ երկու ամսվա ընթացքում կգրավեն Դոնբասի մնացած մասը։ Դրա մասին հայտարարել է Ուկրաինայի նախագահ Վլադիմիր Զելենսկին, հայտնում է LIGA.net-ը։
«Հետևաբար, Ուկրաինան երկու ամիս ունի դուրս գալու համար, և այդ ժամանակ պատերազմը կավարտվի։ Եվ եթե Ուկրաինան դուրս չգա երկու ամսվա ընթացքում, ապա Ռուսաստանը կգրավի Դոնբասը, և այդ ժամանակ կկիրառվեն այլ պայմաններ»,- ասել է Զելենսկին։
Նա ընդգծել է, որ տարածքային հարցերը մնում են խաղաղության բանակցությունների ամենահրատապ հարցը, և Կիևը պատրաստ է փոխզիջման գնալ, մասնավորապես՝ «մենք պատրաստ ենք հրադադարի այնտեղ, որտեղ գտնվում ենք»։
Այնուամենայնիվ, ըստ Զելենսկիի, ռուսները դեռևս պնդում են, որ ուկրաինական զորքերը դուրս գան Դոնեցկի մարզից, որի մի մասը դեռևս վերահսկում է Ուկրաինայի կառավարությունը։