Մոսկվայի Բասմանի դատարանը ՌԴ պաշտպանության նախկին առաջին փոխնախարար Ռուսլան Ցալիկովին տնային կալանքի է դատապարտել, հաղորդում է РИА Новости-ն՝ հղում անելով Մոսկվայի ընդհանուր իրավասության դատարանների մամուլի ծառայությանը։
«2026 թվականի մարտի 5-ին Մոսկվայի Բասմանի շրջանային դատարանը բավարարել է քննիչների միջնորդությունը՝ Ռուսաստանի Դաշնության պաշտպանության նախկին առաջին փոխնախարար Ռուսլան Խաջիսմելովիչ Ցալիկովի նկատմամբ մեկ ամիս 29 օր ժամկետով տնային կալանք կիրառելու վերաբերյալ»,- ասված է հայտարարության մեջ։
Ավելի վաղ հաղորդվել էր, որ պաշտպանության նախկին առաջին փոխնախարար Ցալիկովը ձերբակալվել է հանցավոր կազմակերպություն ստեղծելու քրեական հետաքննության շրջանակում։ Նա մեղադրվում է ավելի քան 15 հանցագործություն կատարելու մեջ։