Ուկրաինայում պատերազմը, հավանաբար, չի ավարտվի 2026 թվականին։ Նման կարծիք է հայտնել ԱՄՆ բանակի նախկին հրամանատար, գեներալ Բեն Հոջեսը Новини.LIVE-ին տված մեկնաբանության մեջ։
«Ոչ։ Ռուսները դրանով հետաքրքրված չեն»,- ասել է գեներալը՝ պատասխանելով հարցին, թե արդյոք կարծում է, որ պատերազմը կավարտվի այս տարի, հաղորդում է УНИАН-ը։
Հոջեսը համարում է, որ ռուսները կհամաձայնեն հրադադարի միայն «պարտադրանքի» դեպքում։
«Ես չեմ տեսնում, որ ԱՄՆ կառավարությունը նման ճնշում գործադրի նրանց վրա, ցավոք»,- ընդգծել է Հոջեսը։
Գեներալը հավելել է, որ ռուսները «բավականաչափ չեն հարգում Եվրոպային, որպեսզի լսեն նրանց»։