Ուկրաինայի նախագահ Վլադիմիր Զելենսկին հայտնել է, որ հետախուզությունն իրեն ցույց է տվել այսպես կոչված «Դմիտրիեւի փաթեթը», որն ինքը՝ Կիրիլ Դմիտրիեւն է ցույց տվել ԱՄՆ-ում, տեղեկացրել է 24 Канал-ը։
«Այնտեղ մոտ 12 տրլն դոլարի ծավալ կա, եւ դա իբր տնտեսական համագործակցության փաթեթն է Ամերիկայի եւ Ռուսաստանի միջեւ։ Այսինքն՝ մենք լսում ենք այդպիսի կամ նման երկկողմ փաստաթղթերի մասին Ամերիկայի եւ Ռուսաստանի միջեւ»,- բացատրել է Զելենսկին։
Նա ավելացրել է, որ լրատվամիջոցները տարբեր ազդանշաններ են հրապարակում, մասնավորապես այն մասին, որ այդ փաստաթղթերում կարող են լինել նաեւ Ուկրաինայի հետ կապված հարցեր։
Զելենսկին ընդգծել է, որ ցանկացած պաշտոնական պայմանավորվածություն անվտանգության ոլորտում, տնտեսական համագործակցությունում, այլ երկրների հետ կսորագրվի միայն Ուկրաինայի մասնակցությամբ։