«Ռուսաստանին հնարավոր չէ վախեցնել, երկրի ազգային անվտանգությունը երաշխավորված է 100 %-ով»։ Այս մասին ՏԱՍՍ-ին տված հարցազրույցում հայտարարել է ՌԴ ԱԳՆ փոխնախարար Սերգեյ Ռյաբկովը։
«Վերջ ի վերջո, սա հարց է ԱՄՆ վարչակազմին։ Ես կրկնում եմ, որ մեր անվտանգությունը երաշխավորված է 100 %-ով։ Իսկ եթե նրանք ցանկանում են փորձել մեզ ինչ-որ բանով վախեցնել կամ ստիպել արդարանալ, ապա ոչ մեկը, ոչ մյուսը չի ստացվի։ Երկրորդ դեպքում՝ այն պատճառով, որ դրա համար որևէ հիմք չկա», — ասել է նա՝ պատասխանելով հարցին, հայտնի՞ է արդյոք Մոսկվային, թե ինչ գաղտնի զինատեսակների մասին էր խոսում ԱՄՆ նախագահ Դոնալդ Թրամփը։
Թրամփը ավելի վաղ հայտարարել էր, որ Միացյալ Նահանգները զինատեսակներ ունի, որոնք անհայտ են մնացած աշխարհին՝ պատասխանելով Վենեսուելայում Վաշինգտոնի կողմից ձայնային զենքի կիրառման մասին հարցին։
Միևնույն ժամանակ ամերիկացի նախագահը որևէ մանրամասներ չէր ներկայացրել։
Ռյաբկովը ընդգծել է, որ ռուսաստանյան կողմը «ունի լուրջ փաստաթղթային բազա, որը նկարագրում է տարբեր իրավիճակներում միջուկային զենքի և այլ զինատեսակների կիրառման կոնցեպցիաները»։
«Կա ռազմական դոկտրինա, — շարունակել է նա։ — Եվ մենք գործում ենք՝ խստորեն համապատասխանելով ինչպես մեր միջազգային պարտավորություններին, այնպես էլ մեր կարիքներին՝ ազգային անվտանգության 100 %-ով հուսալի ապահովման տեսանկյունից»։