Ուկրաինայի նախագահ Վլադիմիր Զելենսկին հայտարարել է, թե «մտահոգված է», որ Գրենլանդիայի շուրջ շարունակվող վեճը կարող է շեղել ուշադրությունը Ուկրաինայում տեղի ունեցող պատերազմից, հաղորդում է Ֆրանսպրես գործակալությունը։
«Ես մտահոգված եմ լայնածավալ պատերազմի ժամանակ ուշադրության ցանկացած կորստի համար»,- լրագրողներին ասել է Զելենսկին։
Նա միաժամանակ Վաշինգտոնին կոչ է արել դիվանագիտական հարաբերություններ պահպանել Եվրոպայի հետ՝ նշելով, որ ցանկանում է, որ Միացյալ Նահանգները «ականջալուր լինի Եվրոպային, իսկապես անսա նրան դիվանագիտական ձևաչափով»։
«Ըստ իս՝ հենց դա էլ տեղի կունենա, և ես վստահ եմ, որ լուրջ սպառնալիքներ չեն առաջանա»,- հավելել է Ուկրաինայի նախագահը։