Վրացական նախկին նախագահ Միխեիլ Սահակաշվիլին Միջազգային քրեական դատարանին (ՄՔԴ) խնդրել է հետաքննել վրացական իշխանությունների կողմից քիմիական զենքի կիրառման մասին տեղեկությունը, որը հայտնվել էր BBC-ի հրապարակման մեջ։
«Այսօր ես խնդրել եմ Հաագայի Միջազգային քրեական դատարանին հետաքննություն սկսել Վրաստանի փաստացի կառավարության դեմ՝ Վրաստանի քաղաքացիների դեմ արգելված քիմիական նյութի կիրառման հարցը քննելու համար»,- Facebook-յան էջում գրել է մի քանի քրեական մեղադրանքներով պատիժ կրող Սահակաշվիլին։
Դեկտեմբերի 1-ին BBC-ն հրապարակել է մի հաղորդագրություն, որում պնդվում է, որ Վրաստանի իշխանությունները 2024 թվականին ցուցարարների դեմ Առաջին համաշխարհային պատերազմի քիմիական զենք են կիրառել: Խոսքը «քամիթ»-ի մասին է՝ քիմիական նյութ, որը գերմանացիների դեմ կիրառել են ֆրանսիացի զինվորները։ Այն դուրս է բերվել շահագործումից 1930-ական թվականներին։ Հոդվածի հեղինակներն իրենց եզրակացությունները հիմնել են Թբիլիսիում ցուցարարների մեկնաբանությունների վրա։
Վրացական իշխանությունները կորպորացիային մեղադրել են կեղծ տեղեկություն տարածելու մեջ և հայտարարել, որ դատական հայցեր կներկայացնեն դրա դեմ միջազգային դատարաններում։ Վրաստանի վարչապետ Իրակլի Կոբախիձեն BBC-ի հաղորդագրությունն անվանել է էժանագին սադրանք, որը նախատեսված է կառավարությանը շանտաժի ենթարկելու համար։ Վրաստանի պետական անվտանգության ծառայությունը հետաքննություն է սկսել օտարերկրյա կազմակերպությանը թշնամական գործունեության մեջ ենթադրյալ օժանդակության վերաբերյալ: Գործակալությունը մտադիր է հետաքննել զեկույցի հիմքում ընկած հարցազրույցներում հենված տեղեկությունը: