Ուկրաինայի հետ պատերազմը, որն արդեն չորրորդ տարին է, և անվտանգության ուժերի լիազորությունների կտրուկ ընդլայնումը տարաձայնություններ են առաջացրել Ռուսաստանի կառավարման համակարգում՝ այն մղելով իշխանության համար ներքին բախումների:
Կառավարությունում իրավիճակը գնալով ավելի է նմանվում սաստկացող քաոսի, որտեղ որոշումների ընդունման ավանդական մեխանիզմները փլուզվել են, ամեն մեկը վերմակն իր վրա է քաշում, իսկ անվտանգության ուժերն անզուսպ են և գործում են այնպես, ինչպես ցանկանում են, «Важные истории»-ին ասել են Կրեմլին մոտ կանգնած աղբյուրները:
«Ընթանում է համակարգային պայքար բոլոր ռեսուրսների համար: Որովհետև դրանք ակնհայտորեն շատ ավելի քիչ են դարձել»,- պարզաբանում է Կրեմլի համար աշխատող աղբյուրը:
Նա նշում է, որ քաղաքական համակարգն «աստիճանաբար մտնում է» մի վիճակի մեջ, «որտեղ ոչ մի կանոն չկա. կարևոր չէ՝ լավը կամ վատը»: «Բոլորը հասկացել են. մի կողմից ափեր չկան, կարող ես անել այն, ինչ ուզում ես, բայց մյուս կողմից՝ ոչ ոք պաշտպանված չէ, և պատշաճ վարքագծի կամ կապերի ոչ մի քանակություն ոչինչ չի երաշխավորում: Ոչ մեկի: Առհասարակ՝ ոչ մեկի»,- ասում է նա:
Ուժայինները «գործում են ինքնուրույն», առանց կառավարության կամ նախագահական ապարատի ներքին քաղաքականության բլոկի հետ համակարգման, բողոքում է «Единая Россия»-ի աղբյուրը։ «Բոլորը դարձել են հայրենասեր, և բոլոր քաղաքական որոշումներն ընդունվում են ըստ այդ տրամաբանության»,- նոր իրականությունը նկարագրում է Պետդումայի պատգամավորը։
ՌԴ Անվտանգության դաշնային ծառայության (ФСБ) աշխատակիցը հաստատում է, որ պատերազմի սկսվելուց ի վեր «բոլոր սարքավորումները վերաուղղվել են կառավարությանը և այլ պետական մարմիններին գաղտնալսելուն»։ «Ուժայինները լարված են. նախկինում որոշակի միավորում կար ընդհանուր թշնամիների, կեղծ-ընդդիմության դեմ։ Իսկ հիմա, վերջ, նրանք միայնակ են մնացել։ Իսկ նրանք սովոր են պատերազմներին. իհարկե, նրանք կկռվեն միմյանց դեմ, ուրիշ էլ ի՞նչ պիտի անեին», — նշում է Կրեմլին մոտ կանգնած աղբյուրը։
Նույնիսկ «օտարերկրյա գործակալ» անվանումը, որը տարիներ շարունակ օգտագործվել է ընդդիմությանը վարկաբեկելու համար, ըստ աղբյուրների, այժմ դուրս է եկել Նախագահական ապարատի վերահսկողությունից։ «Օտարերկրյա գործակալներ» են անվանվում ոչ միայն Կրեմլին անհավատարիմ անհատները, այլև խոշոր բիզնեսի սեփականատերերը և կառավարամետ բլոգերները։ Աշնանը «z» հեղինակ Ռոման Ալյոխինը, որը գովաբանում էր Կիրիենկոյին, ներառվեց գրանցամատյանում։
Նախագահական աշխատակազմի ղեկավարի առաջին տեղակալ Սերգեյ Կիրիենկոն, որն ավելի քան ինը տարի վերահսկել է Կրեմլի ներքին քաղաքականությունը, նույնպես հայտնվել է ուժային կառույցների դեմ պայքարում։ Աղբյուրները նշում են, որ նրան նույնիսկ միշտ չէ, որ զգուշացնում են պաշտոնյաների ձերբակալությունների մասին, չնայած նրանցից մի քանիսը նրա նշանակած անձինք են։
Պատերազմի սկզբից ի վեր պաշտոնական ձերբակալությունների թիվը եռապատկվել է. միայն 2025 թվականին նախնական կալանքի է ենթարկվել 155 մարդ, նրանց թվում՝ գործող քաղաքապետեր և փոխնահանգապետեր։ Խոշոր բիզնեսները, որոնց սեփականատերերի թվում են նաև կառավարության անդամներ, ևս թիրախավորվել են։ Պատերազմի սկզբից ի վեր Գլխավոր դատախազության ներկայացրած դատական հայցերի արդյունքում առգրավվել է ավելի քան 4,5 տրիլիոն ռուբլի արժողությամբ ակտիվներ։
Հատուկ ծառայությնունները շեշտում են, որ Կիրիենկոն մտերիմ է «Россия» բանկի բաժնետեր է Յուրի Կովալչուկի հետ։ Կովալչուկը համարվում է երկրի երկրորդ ամենաազդեցիկ մարդը՝ նախագահ Վլադիմիր Պուտինից հետո, և այլ կլանների առաջնորդների, մասնավորապես՝ անվտանգության ուժերի ներկայացուցիչների կողմից, նրան որպես իշխանության համար պայքարի մրցակից են դիտարկում։ «Որքան երկար է տևում պատերազմը և որքան շատ է այն ազդում Ռուսաստանի տնտեսության վրա, այնքան ավելի են սրվում կլանների միջև հակասությունները»,- նշել է աղբյուրը։
Ընդսմին, ներկայիս քաղաքական համակարգի իներցիան «հսկայական է. այս կասկածելի եփուկը կարող է թորվել ևս մեկ տասնամյակ նույն հին խմորիչի վրա», — եզրակացնում է նախագահի աշխատակազմին մոտ կանգնած նախկին պաշտոնյան։