G7-ի երկրներն արդեն աշխատում են պատժամիջոցների նոր փաթեթի ձևակերպման վրա և նախատեսում են փաստաթուղթն ավարտել երկու շաբաթվա ընթացքում:
Եվրամիությունը հետաձգել է Ռուսաստանի դեմ պատժամիջոցների նոր փաթեթի ներկայացումը, որպեսզի այն համաձայնեցնի G7-ի երկրների առաջնահերթությունների հետ։ ԱՄՆ-ն պնդում է, որ ավելի խիստ սահմանափակումներ լինեն ոչ միայն ՌԴ–ի, այլև Չինաստանի և Հնդկաստանի նկատմամբ, հայտնում է Bloomberg-ը՝ հղում անելով իր աղբյուրին:
Գործակալության տվյալներով՝ ԵՄ-ի որոշումը կապված է ԱՄՆ նախագահ Դոնալդ Թրամփի պահանջի հետ. Վաշինգտոնը պատրաստ է Ռուսաստանի վրա ճնշումն ուժեղացնել միայն այն դեպքում, եթե եվրոպացի դաշնակիցները նույնպիսի քայլեր ձեռնարկեն:
G7-ի երկրներն արդեն աշխատում են պատժամիջոցների նոր փաթեթի ձևակերպման վրա և նախատեսում են փաստաթուղթն ավարտել երկու շաբաթվա ընթացքում:
Ավելի վաղ Եվրահանձնաժողովի ներկայացուցիչ Պաուլա Պինյուն հաստատել էր, որ քննարկումները շարունակվում են, իսկ նախագիծը կներկայացվի դրա լրամշակումից հետո: Politico պարբերականը գրել էր, որ պատժամիջոցների 19-րդ փաթեթի հրապարակումը, որն ի սկզբանե նախատեսված էր սեպտեմբերի 17-ին, հետաձգվում է անորոշ ժամանակով: