Ռուսաստանը մտադիր է կասեցնել ղազախական նավթի մատակարարումը Գերմանիա․ ԶԼՄ

Ռուսաստանը մտադիր է կասեցնել ղազախական նավթի տարանցումը դեպի Գերմանիա։

Ինչպես հաղորդում է Financial Times-ը, այս որոշումը լուրջ սպառնալիք է գերմանական այն նավթավերամշակման գործարանի համար, որն ապահովում է Բեռլինի և քաղաքի օդանավակայանի բենզինի, կերոսինի ու վառելիքի կարիքների 90%-ը։

Telegraph-ի փոխանցմամբ՝ Վլադիմիր Պուտինը փորձում է էլ ավելի կրճատել էներգակիրների մատակարարումը Եվրոպա՝ փակելով դեպի Գերմանիա գնացող բոլոր խոշոր նավթամուղները։

Մոսկվան հայտարարել է «Դրուժբա» նավթամուղը ինը օրով փակելու մտադրության մասին, ինչի հետևանքով մայրցամաքը կզրկվի ղազախական նավթից։ Սա տեղի է ունենում Իրանի դեմ պատերազմով պայմանավորված մատակարարումների ընդհանուր խափանումների ֆոնին։

Նավթամուղի հնարավոր կանգը հատկապես վտանգավոր է Գերմանիայի համար։ «Դրուժբա»-ով է անցնում երկրում վերամշակվող հում նավթի 17%-ը, որն էլ հիմնական հումք է հանդիսանում Բեռլինի տրանսպորտային համակարգը սնուցող գործարանի համար։