Թրամփը, Պուտինը և Սի Ծինպինը Եվրոպայի հակառակորդներն են. Մակրոն
Ֆրանսիայի նախագահ Էմանուել Մակրոնը ԱՄՆ նախագահ Դոնալդ Թրամփին դասել է Ռուսաստանի նախագահ Վլադիմիր Պուտինի և Չինաստանի նախագահ Սի Ցզինպինի շարքին՝ որպես համաշխարհային առաջնորդների, որոնք «Եվրոպայի հակառակորդներն են», հայտնում է AFP-ն:
Նա Եվրոպային կոչ է արել ակտիվանալու և օգտագործելու իր ազդեցությունն աշխարհում:
«Չպետք է թերագնահատել այն փաստը, որ սա եզակի պահ է, երբ ԱՄՆ նախագահը, Ռուսաստանի նախագահը և Չինաստանի նախագահը հակադրվում են եվրոպացիներին»,- հայտարարել է Մակրոնը:
Նա Եվրոպային վաղուց է հորդորում ամրապնդել սեփական անվտանգությունը, ոչ թե ապավինել Միացյալ Նահանգներին, և ուրբաթ կրկին կոչ է արել հզորացնելու ՆԱՏՕ-ի եվրոպական հատվածը:
«Այժմ կասկածներ են առաջանում 5-րդ հոդվածի վերաբերյալ»,- ասել է Մակրոնը՝ նկատի ունենալով ՆԱՏՕ-ի հիմնարար սկզբունքը՝ փոխադարձ պաշտպանությունը, ըստ որի՝ կազմակերպության անդամները հարձակման դեպքում օգնության են հասնում միմյանց:
«Այդ կասկածները փաստացիորեն թուլացնում են դաշինքի ամրությունը»,- հայտարարել է Մակրոնը:
