Թուրքիայի ազգային պաշտպանության նախարարությունից հայտնել են, որ բանակային ավիացիայի հրամանատարությանը պատկանող CH-47 ծանր տրանսպորտային ուղղաթիռը վարժական թռիչքի ժամանակ կործանվել է Անկարայի Թեմելլի թաղամասում. հայտնում է TRT Haber-ը:
«Բանակային ավիացիայի հրամանատարությանը պատկանող CH-47 ծանր տրանսպորտային ուղղաթիռը առայժմ անհայտ պատճառով կործանվել է Անկարայի Թեմելլի շրջանում վարժական թռիչք իրականացնելիս: Անձնակազմի շրջանում զոհեր չկան»,- ասված է Թուրքիայի ՊՆ հաղորդագրության մեջ:
Վթարի պատճառը կպարզվի մանրակրկիտ հետաքննությունից հետո: