Բելառուսի նախագահ Ալեքսանդր Լուկաշենկոն « մարդասիրական սկզբունքի հիման վրա» ներում է շնորհել 250 բանտարկյալի, հայտնում է Белта-ն՝ հղում անելով Լուկաշենկոյի մամուլի ծառայությանը։
«Նախագահը որոշել է ներում շնորհել ծայրահեղական հանցագործությունների համար դատապարտված մի շարք անձանց։ Պետության ղեկավարը ավանդաբար առաջնորդվել է հիմնականում մարդասիրական սկզբունքով։ Եվ, իհարկե, նա հաշվի է առել դատապարտված անձանց մայրերի, կանանց և հարազատների ստացած խնդրանքները»,- ասվում է հայտարարության մեջ։
«Պետք է ընդգծել նաև. բոլոր խնդրանքները մանրակրկիտ ուսումնասիրել է գլխավոր դատախազի գլխավորած համապատասխան հանձնաժողովը՝ նախքան նախագահին ներկայացնելը։ Որոշումը ընդունելիս պետության ղեկավարը հաշվի է առել նաև հանձնաժողովի անդամների կարծիքը։ Վերջիվերջո, որոշում է ընդունվել ներում շնորհել 250 անձանց։ Պետությունը նրանց բոլորին կյանքի նոր էջ բացելու իրավունք է ընձեռել»,- նշել է Բելառուսի նախագահի մամուլի ծառայությունը։