Ռուսաստանի նախագահ Վլադիմիր Պուտինը հայտարարել է, որ նոր տեխնոլոգիաները պահանջում են վերաիմաստավորել գործող կրթական համակարգը և մշակել նոր ուսումնական ծրագրեր: Նա նշել է, որ երկիրը չպետք է թույլ տա, որ հասարակության մի մասը կարողանա միայն «կոճակներ սեղմել»:
«Ոչ մի դեպքում չի կարելի թույլ տանք այնպիսի իրավիճակ, երբ մեզանում լինեն մտավոր վերնախավ և ավտոմատացված մարդիկ, որոնք բացի կոճակ սեղմելուց, ուրիշ ոչինչ չգիտեն: Դա շատ կարևոր խնդիր է կրթական համակարգի և կադրերի պատրաստման ու վերապատրաստման համար», — ասել է Վլադիմիր Պուտինը Պետական խորհրդի նիստում, գրում է «Коммерсантъ»-ը:
Վլադիմիր Պուտինը պնդում է, որ «չի կարելի ապրել հին ձևով»: Սակայն, նշել է նա, ռուսների համար կարևոր է պահպանել կրթական համակարգի «հաստատուն հիմքերը»: Դրանք ներառում են դպրոցականների և ուսանողների ստեղծագործական և վերլուծական մտածողության զարգացումը, ինչպես նաև արհեստական բանականության ստեղծած «քննադատական գնահատման» ունակությունը:
Ռուսաստանի նախագահն ազդարարել է մինչև 2036 թվականը երկրում կրթության զարգացման կառավարության ռազմավարության պատրաստման ավարտի մասին: Ռազմավարության շրջանակում պարոն Պուտինը խնդրել է ուշադրություն դարձնել այն սկզբունքներին անցնելուն առնչվող հարցերին, որոնք բոլորին հնարավորություն կտան պահանջված լինել արհեստական բանականության ներդրման պայմաններում: