Ռուսատանի Հարավային շրջանի ռազմական դատարանը Ուկրաինայի քաղաքացի Եվգեն Բուլացիկին դատապարտել է ցմահ ազատազրկման՝ Ռուսաստանի տարածքում մահվան հանգեցրած 14 ահաբեկչական հարձակումների մասնակցելու համար: Դրա մասին ТАСС-ին հայտնել է դատարանի ներկայացուցիչը:
Հայտարարության մեջ նշվում է, թե պարզվել է, որ Բուլացիկը, «գործելով Ուկրաինայի բարձրաստիճան» քաղաքական և ռազմական ղեկավարների, ինչպես նաև Ուկրաինայի զինված ուժերի այլ անդամների հետ կազմակերպված խմբի կազմում, մասնակցել է Ռուսաստանի տարածքում 2023 թվականի հուլիսի 19-ից մինչև 2024 թվականի մայիսի 13-ը տեղի ունեցած 14 ահաբեկչական հարձակումներին: Նա դատապարտվել է ցմահ ազատազրկման: Առաջին ութ տարին Բուլացիկը կանցկացնի բանտում:
Բոլոր ահաբեկչական հարձակումների ընդհանուր վնասը գնահատվում է 18 միլիարդ ռուբլի, ТАСС-ին հայտնել են իրավապահ մարմինների ներկայացուցիչները:
Հարավային շրջանի ռազմական դատարանի տվյալներով՝ նրա դեմ գործը քննվել է ՌԴ քրեական օրենսգրքի 205-րդ հոդվածի (ահաբեկչական հարձակում) 3-րդ մասի «բ» կետով նախատեսված ինը հանցագործության և ՌԴ քրեական օրենսգրքի 205-րդ հոդվածի (ահաբեկչական հարձակում) 2-րդ մասի «ա» և «գ» կետերով նախատեսված հինգ հանցագործության վերաբերյալ։