Սպիտակ տանը Սիրիայի առաջնորդ Ահմեդ աշ-Շարաայի հետ հանդիպման ժամանակ ԱՄՆ նախագահ Դոնալդ Թրամփը նրա վրա ցողել է իր ապրանքանիշի օծանելիքը և մեկ սրվակ էլ նվիրել նրան։ Տեսանյութը տարածվել է սոցիալական ցանցերում։
«Սա լավագույն բույրն է։ Մոտեցեք։ Ահա թե ինչ կանենք. պարզապես վերցրեք սա։ Իսկ երկրորդը ձեր կնոջ համար է»,- ասել է ամերիկացի առաջնորդը։
Այնուհետև նա աշ-Շարաային հարցրել է՝ արդյոք միայն մե՞կ կին ունի, ինչին Սիրիայի առաջնորդը դրական պատասխան է տվել։
ԱՄՆ նախագահի կողմից քաղաքական գործչին տրված սրվակը նման է Թրամփի կայքում զետեղված ստորագրված օծանելիքի փաթեթավորմանը։ «Հաջողության բույրով» օծանելիքը կոչվում է Trump Victory 47: Բույրը հասանելի է և՛ տղամարդկանց, և՛ կանանց համար տարբերակներով, իսկ սրվակը զարդարված է Թրամփի ոսկեզօծ արձանիկով։ Օծանելիքն արժե 249 դոլար։