Ռուսական և ուկրաինական պատվիրակությունների վերջինը հանդիպումը տեղի է ունեցել հուլիսին։
Ուկրաինայի հետ բանակցություններում դադար է առաջացել, քանի որ Կիևի ռեժիմը չի ցանկանում շարունակել երկխոսությունը։ Ինչպես հայտնում է ՏԱՍՍ–ը, այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Փաստաթղթերի փոխանակում էր տեղի ունեցել։ Գիտեք` նախորդ անգամ Ստամբուլում, երբ հանդիպում էր կայացել Ուկրաինայի պատվիրակության հետ, աշխատանքային խմբեր ստեղծելու առաջարկներ էին եղել հիմնական ուղղություններով բոլոր հարցերը քննարկելու համար։ Հիմա դադար է առաջացել Կիևի ռեժիմի կողմից այս երկխոսությունը շարունակելու ցանկության բացակայության պատճառով։ Ահա թե ինչ կարելի է ասել», – նշել է Կրեմլի ներկայացուցիչը։
Հիշեցնենք` ռուսական և ուկրաինական պատվիրակությունների վերջին հանդիպումը տեղի է ունեցել հուլիսի 23-ին Ստամբուլում։
Մոսկվան և Կիևը ստամբուլյան բանակցությունների ընթացքում պայմանավորվել են փոխգործակցել հումանիտար հարցերի շուրջ։ Դրանց արդյունքում կողմերը գերիների և վիրավորների մի քանի փոխանակում են իրականացրել։ Ռուսաստանն Ուկրաինային է փոխանցել նաև զոհված զինծառայողների հազարավոր մարմիններ։