Պուտին. Ռուսաստանը չի փորձում «ավելի կարևոր երևալ» Իրանի հարստացված ուրանի հարցում
Ռուսական կողմը շարունակում է պահպանել Իրանի հարստացված ուրանի դուրսբերման վերաբերյալ իր առաջարկները՝ նկատի ունենալով, որ Թեհրանը չի ձգտում միջուկային զենք ունենալ: Սակայն Մոսկվան այդ կերպ չի փորձում «ավելի կարևոր երևալ», քան իրականում է, ևկընունի իր օգնության ինչպես համաձայնությունը, այնպես էլ մերժումը. սա պարզապես Ռուսաստանի ձգտումն է՝ իր հնարավոր ներդրումն ունենալ իրավիճակի կարգավորման և լիցքաթափման գործում, ընդգծել է ՌԴ նախագահ Վլադիմիր Պուտինը՝ պատասխանելով լրագրողների հարցերին, փոխանցել է ՏԱՍՍ-ը։
Պետության ղեկավարն ուշադրություն է հրավիրել այն բանի վրա, որ Թեհրանն այսօր չի ձգտում «զինված» միջուկային ծրագրերի։
«Եվ մենք բազմիցս լսել ենք այս մասին հայտարարություններ։ Ի դեպ, ԱԷՄԳ-ն էլ ոչ մի անգամ չի ասել, որ կան ապացույցներ Իրանի՝ միջուկային զենքի ձգտման վերաբերյալ։ Այս գործընթացի մյուս բոլոր մասնակիցները, իմ կարծիքով, նույնպես կարող էին հետաքրքրված լինել դրանով։ Կարծում եմ՝ դա կարող էր նրանց համար ընդունելի լինել։ Ինչո՞ւ։ Նախ՝ մենք բոլորս տեսանք, թե դա ինչ է և որտեղ է գտնվում։ Երկրորդ՝ այդ ամենը կդրվեր ԱԷՄԳ վերահսկողության տակ։ Երրորդ՝ այդ ուրանի նոսրացման աշխատանքը նույնպես կկազմակերպվեր ԱԷՄԳ վերահսկողության ներքո և կլիներ թափանցիկ ու անվտանգ», -նշել է ՌԴ նախագահը։
«Միևնույն ժամանակ մեզ ոչինչ պետք չէ։ Սա նրա համար չէ, որ մենք, ներողություն արտահայտությանս համար, «քաղաքական խռիկներ փքենք» ու ասենք՝ իբր առանց մեզ ոչ ոք ոչինչ անել չի կարող, ոչ, — ընդգծել է Պուտինը, — մենք պարզապես ուզում ենք մեր հնարավոր ներդրումն ունենալ, եթե դա բոլորին ձեռնտու լինի, իրավիճակի լիցքաթափման գործում։ Եթե դա ձեռնտու չէ՝ դե, ի սեր Աստծո, մենք կաջակցենք ցանկացած իրավիճակի, ցանկացած որոշման, որը կհանի այս դիրքորոշումը փակուղուց և հնարավորություն կտա շարժվել խաղաղ կարգավորման ճանապարհով», — ավելացրել է նա։
