Ռուսաստանցիներին խորհուրդ են տալիս մայիսյան տոներն անցկացնել Հայաստանում

«Газета.Ru»-ն Ռուսաստանում և արտերկրում մայիսյան տոների համար բյուջետային ճանապարհորդության տարբերակներ է կազմել և խորհուրդ է տվել դրանք անցկացնել Հայաստանում։

Նշվում է, որ Անդրկովկասը, որը ներկայացված է հանձին Հայաստանի և Վրաստանի, պահպանում է իր կարգավիճակը որպես «բարձր մշակութային կոդ» և եզակի բնական գեղեցկություն ունեցող ուղղություն։

«Մայիսը Հայաստանում ծաղկող հովիտների և մաքուր լեռնային օդի ժամանակ է, որը լուսանկարչական տուրիզմի համար իդեալական պայմաններ է ստեղծում»,- նշել է տուրիստական ​​գործակալությունը։ Մեծ ժողովրդականություն են վայելում նաև հեղինակային գինու տուրերը»,- գրում է պարբերականը։

Երկու հոգու համար 6 գիշերվա արձակուրդը սկսվում է 67 հազար ռուբլիից, ներառյալ Մոսկվայից թռիչքները՝ նախաճաշով։ Երկու հոգու համար 3 ​​գիշերվա տուրն արժե 75 հազար ռուբլի, ներառյալ Մոսկվայից թռիչքներն՝ առանց սննդի։

Ճանապարհորդության ծախսերը կրճատելու համար փորձագետ Մարիա Աֆանասևան երկու խորհուրդ է տվել. «Վրաստանում և Հայաստանում վարորդով ավտոմեքենա վարձելն ամբողջ օրվա համար հաճախ ավելի էժան է, քան պաշտոնական տաքսիով կարճատև ուղևորությունների շարքը։ Բացի դրանից, բնական տեսարժան վայրերը, մասնավորապես՝ Հայաստանի կիրճերը, հասանելի են անկախ ուսումնասիրության համար՝ առանց թանկարժեք էքսկուրսիաների անհրաժեշտության։