Պեսկովն Ուիթքոֆին պաշտոնանկ անելու կոչերը բանակցությունները խափանելու փորձ է որակել
Դոնալդ Թրամփի հատուկ բանագնաց Սթիվ Ուիթքոֆին ռուսաստանցի պաշտոնյաների հետ զրույցների սղագրությունների հրապարակումից հետո աշխատանքից ազատելու կոչերը խաղաղության բանակցությունները խափանելու փորձ են, Համառուսաստանյան պետական հեռուստառադիոընկերությանը (ВГТРК) տված հարցազրույցում հայտարարել է Ռուսաստանի նախագահի մամուլի քարտուղար Դմիտրի Պեսկովը։
Ըստ նրա՝ արտահոսած զրույցներն ինքնին լուրջ սպառնալիք չեն. «Դրանց մեջ ոչ մի սարսափելի բան չկա, եթե վերացրակվենք նրանից՝ ճիշտ են, թե ճիշտ չեն»։
«Ըստ երույթին, Ուիթքոֆի պաշտոնանկության կոչ անող ձայները, որոնք այժմ հայտնվում են, հիմնականում ուղղված են խաղաղության բանակցությունների միջոցով կարգավորման առայժմ համեստ ընթացքը խափանելուն»,- հավելել է Պեսկովը։
Ավելի վաղ Դոնալդ Թրամփ կրտսերն Ուկրաինայի խաղաղության ծրագրի վերաբերյալ ռուսական կողմի հետ Ուիթքոֆի զրույցների սղագրությունների հրապարակումից հետոաջակցություն էր հայտնել նրան։
Նոյեմբերի 26-ին Bloomberg-ը հրապարակել է երկու սղագրություն՝ մեկը՝ Ուիթքոֆի և Ռուսաստանի նախագահի օգնական Յուրի Ուշակովի միջև հոկտեմբերի 14-ի զրույցի, իսկ մյուսը՝ Ռուսաստանի նախագահի հատուկ ներկայացուցիչ Կիրիլ Դմիտրիևի և Ուշակովի միջև հոկտեմբերի 29-ի զրույցին: Ուիթքոֆը քննարկել է Ուկրաինայի համար խաղաղության ծրագրի մշակմանը հնարավոր համատեղ մասնակցությունը: Դմիտրիևը Bloomberg-ի հրապարակումը «ֆեյք» է անվանել:
