ՀՕՊ–ը 114 ուկրաինական ԱԹՍ է խոցել Ռուսաստանի 10 մարզի, Ազովի և Սև ծովերի երկնքում. ՌԴ ՊՆ

Բացի այդ, Ղրիմի վրա չեզոքացվել է 10 անօդաչու, Բրյանսկի մարզի երկնքում՝ 7, Ազովի ծովի վրա՝ 5, Յարոսլավլի և Վոլգոգրադի մարզերի վրա՝ 3-ական, Սև ծովի վրա՝ 2, Կուրսկի և Վորոնեժի մարզերի երկնքում` 1-ական։

Հիշեցնենք, որ ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։

Ռուսաստանը ռազմական գործողություն է սկսել Ուկրաինայում 2022 թվականի փետրվարի 24-ին։ Նախագահ Վլադիմիր Պուտինն այն անվանել է ի պաշտպանություն նրանց, ովքերԿիևի ռեժիմի կողմից 8 տարի շարունակ ենթարկվում են ծաղրուծանակի, ցեղասպանության: Դրա համար նախատեսվում է իրականացնել Ուկրաինայի ապառազմականացում և ապազգայնացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։