Կոտայքի մարզի Ֆանտան գյուղում այսօր ծառատունկ կազմակերպվեց` ի նշան հայ և ռուս ժողովուրդների բարեկամության։
Բարեկամության ծառատունկ Ֆանտան գյուղում
Ինչպես հայտնել ենք, Ֆանտանում այսօր վերաբացվեց Հայրենական մեծ պատերազմի հերոսներին նվիրված հուշարձանը։ Վերաբացման հանդիսավոր արարողությանը ներկա էր նաև ՀՀ-ում ՌԴ դեսպան Սերգեյ Կոպիրկինը։
Արարողությունից հետո հյուրերը հարակից պուրակում ծառեր տնկեցին՝ մաղթելով, որ այդ տնկիներն էլ մեծանան և երկու ժողովուրդների բարեկամության ևս մեկ խորհրդանիշ դառնան։
Նշենք, որ Ֆանտան գյուղում հիշողության և երախտագիտության խորհրդանիշ դարձած հուշարձանը վերականգնվել և բարեկարգվել է հասարակական կազմակերպությունների և երիտասարդական միավորումների աջակցությամբ:
Վերանորոգմանը մասնակցել են տեղի բնակիչները, ինչպես նաև ռուսական և հայկական կողմերի ներկայացուցիչները:
Հիշեցնենք` Հայաստանում նախատեսվում է վերականգնել և բարեկարգել Հայրենական Մեծ պատերազմին նվիրված ավելի քան 900 հուշարձան: Լայնածավալ ծրագրի նախաձեռնողներն են «Հայաստանի Անմահ գունդ» հայրենասիրական հասարակական կազմակերպությունը և Երևանում «Անմահ գունդ» միջազգային շարժման գլխավոր համակարգող Մհեր Ավետիսյանը:
