Լոս Անջելեսի իշխանությունները հայտարարել են, որ քաղաքում իրավիճակը կարգավորվել է
Լոս Անջելեսում իրավիճակը կարգավորվել է՝ ԱՄՆ ներգաղթի և մաքսային ծառայության (ICE) վերջերս իրականացրած խուզարկությունների հետևանքով առաջացած անկարգություններից հետո՝ երկուշաբթի, հայտարարել է շրջանային խորհրդի ժամանակավոր հանձնաժողովի նախագահ Հիլդա Սոլիսը, գրում է РИА Новости-ն։
Նրա խոսքով՝ քաղաքի որոշ մայրուղիներ, մուտքեր և ելքեր մնում են փակ, երթևեկությունը սահմանափակ է։ «Մարդիկ վերադառնում են աշխատանքի, բայց դա տեղի է ունենում աստիճանաբար»,- հավելել է պաշտոնյան։
Սոլիսը նաև հաստատել է, որ Լոս Ամջելեսում ազգային գվարդիայի զորքեր տեղակայելու որոշումը կայացվել է առանց Կալիֆոռնիայի նահանգապետի կամ տեղական իշխանությունների հարցման։
ԱՄՆ գաղտնի ծառայության պաշտոնական ներկայացուցիչն էլ РИА Новости-ին հայտնել է, որ տեղեկությունն այն մասին, թե Սպիտակ տան մոտ արգելապատնեշներ են տեղադրվել Լոս Անջելեսում բողոքի ակցիաների հետ կապված, չի համապատասխանում իրականությանը:
«Դա կապված է Վաշինգտոնում կայանալիք շքերթի հետ։ Քանի որ դա ազգային անվտանգության հատուկ մակարդակի միջոցառում է, ապա այդ արգելապատնեշների տեղադրումը դրա նախապատրաստման մի մասն է»,- ասել Է գաղտնի ծառայության ներկայացուցիչը:
