ԱՄՆ-ն առայժմ չի ընդունում Իրանից հարստացված ուրանը դուրս բերելու վերաբերյալ Ռուսաստանի առաջարկները. Պեսկով

Վաշինգտոնն առայժմ չի ընդունում Իրանից հարստացված ուրանը Ռուսաստանի Դաշնությունում պահպանելու նպատակով դուրս բերելու վերաբերյալ Մոսկվայի առաջարկները, հայտարարել է ՌԴ նախագահի մամուլի քարտուղար Դմիտրի Պեսկովը, հաղորդում է РИА Новости-ն:

«Դա մի թեմա է, որը պետք է ընդունեն թե՛ Իրանում, թե՛ Ամերիկայում, եթե դա պահանջված առաջարկ է: Վաշինգտոնն առայժմ դա չի ընդունում»,- լրագրողներին ասել է Պեսկովը՝ պատասխանելով այն հարցին, թե Ռուսաստանի նախագահ Վլադիմիր Պուտինի և Չինաստանի Ժողովրդական Հանրապետության նախագահ Սի Ծինփինի հանդիպման ժամանակ քննարկվե՞լ է արդյոք հարստացված ուրանը պահպանության վերցնելու պատրաստակամության մասին Ռուսաստանի առաջարկը։