Հայաստանն արել է իր ընտրությունը՝ դեմքով շրջվելով դեպի Եվրոպա. Մակրոն

Հայաստանն արել է իր ընտրությունը՝ դեմքով շրջվելով դեպի Եվրոպա, մայիսի 4-ին Հայաստանի ֆրանսիական համայնքի ներկայացուցիչների առջև ունեցած ելույթի ժամանակ հայտարարել է Ֆրանսիայի նախագահ Էմանուել Մակրոնը։

Ըստ Մակրոնի՝ մայիսի 4-ին անցկացված Եվրոպական քաղաքական համայնքի հանդիպումը՝ ավելի քան 40 առաջնորդների մասնակցությամբ, երբեք տեղի չէր ունենա, «եթե հայ առաջնորդները լինեին ռուսների ձեռքում կամ Ռուսաստանի նկատմամբ երկիմաստ տրամադրվածություն ունենային»։

«Այսպիսով, Հայաստանն իսկապես կատարել է իր աշխարհաքաղաքական մեծամասնության ընտրությունը՝ հաղթահարելու այդ սահմանափակումը և դեմքով շրջվելու դեպի Եվրոպա։ Մենք չենք կարող գործել այնպես, կարծես դա գոյություն չունի։ Մենք՝ ֆրանսիացիներս, պետք է ընդունենք այդ ընտրությունը և հավատարիմ լինենք դրան։ Լեռնային Ղարաբաղի պատճառով Ադրբեջանի հետ 2020 թվականի պատերազմը սարսափելի էր շատ ընտանիքների համար, գուցե ձեզնից ոմանց համար… Բայց եկեք սթափ նայենք դրան։ Ո՞վ էր այնտեղ՝ Հայաստանի կողքին։ Ֆրանսիան՝ որքանով որ հնարավոր էր։

Բայց, վստահեցնում եմ ձեզ, Ռուսաստանն այնտեղ չէր։ Ավելին չէր, քան այն ժամանակ, երբ Վենեսուելան խնդիրներ ուներ, կամ Սիրիայի՝ իր պատմական դաշնակիցների դեպքում։ Մենք դրանում նորից համոզվեցինք Իրանի օրինակով, կամ Մալիի վարչակարգի օրինակով, երբ նրան դիմակայում են ահաբեկիչները։ Ինչպես տեսնում եք աշխարհաքաղաքական համատեքստից, ավելի լավ է Ռուսաստանի կարիքը շատ չունենալ»։

«Մ ծոսքով, մենք ցանկանում ենք մասնակցել 21-րդ դարի Հայաստանի արկածին՝ մի Հայաստանի, որն այլևս կախված չէ Ռուսաստանից, այլ լիովին շրջվում է դեպի Եվրոպա և գտնվում է եվրոպական քաղաքական համայնքի կենտրոնում։ Հայաստանի, որն ուզում է խաղաղություն, տևական կայունություն և բարգավաճում։ Եվ նա ինքնին ստեղծում է դա՝ շնորհիվ ընտրված գործընկերային հարաբերությունների և վստահելի դաշնակիցների, ինչպիսին Ֆրանսիան է»,- ասել է Ֆրանսիայի նախագահը։