Ղազախստանի նախագահը Թրամփին հաջողություն է մաղթել «ողջախոհ քաղաքականության» իրականացման գործում

Ղազախստանի նախագահ Կասիմ-Ժոմարտ Տոկաևը Դավոսում Համաշխարհային տնտեսական ֆորումի շրջանակում կարճատև հանդիպում է ունեցել ԱՄՆ նախագահ Դոնալդ Թրամփի հետ, իր թելեգրամյան ալիքում հայտնել է Ղազախստանի նախագահի մամուլի քարտուղար Ռուսլան Ժելդիբայը։

Ըստ Ժելդիբայի՝ Տոկաևը ամերիկացի առաջնորդի ուշադրությունը հրավիրել է այն փաստի վրա, որ Դավոսի ֆորումում տարածված «Նախագահ Դոնալդ Թրամփի 365 հաղթանակը 365 օրում» պաշտոնական փաստաթղթում Ղազախստանի միացումը Աբրահամի համաձայնագրերին նշված է որպես 177-րդ հաղթանակ։

«Ավելին, նախագահ Կասիմ-Ժոմարտ Տոկաևը ամերիկացի առաջնորդին հաջողություն է մաղթել «ողջախոհ ներքին քաղաքականություն» իրականացնելու գործում։

Իր հերթին, Դոնալդ Թրամփը շնորհակալություն է հայտնել մեր պետության ղեկավարին՝ Խաղաղության խորհուրդ ստեղծելու իր նախաձեռնությանն աջակցելու համար», — նշել է Ղազախստանի նախագահի մամուլի քարտուղարը։