Ղազախստանը հայտնել է Կասպիական խողովակաշարային կոնսորցիումի տերմինալի մոտ երկու լցանավի վրա ԱԹՍ-ների հարձակման մասին

Ղազախստանի էներգետիկայի նախարարությունը հայտնել է Լիբերիայի դրոշի ներքո նավարկող և բեռնմանը սպասող Delta Harmony լցանավի վրա անօդաչու թռչող սարքի հարձակման մասին, հաղորդում է Tengrinews.kz-ն։

«Միջադեպի արդյունքում հրդեհ է բռնկվել, որն արագորեն մարվել է։ Անձնակազմի շրջանում վիրավորներ չկան։ Աշխատանքային խմբի տվյալներով՝ միջադեպի պահին նավը դեռ չէր բեռնվել նավթով, և բեռնատար բաքերը դատարկ էին։ Հետևաբար, Ղազախստանի արտահանման ռեսուրսներին վնաս չի պատճառվել»,- հայտնել են գերատեսչության մամուլի ծառայությունից։

Հայտարարության մեջ ընդգծվում է, որ գերատեսչությունն անհապաղ համակարգում է գործողությունները ազգային օպերատոր «КазМунайГаз»-ի, կոնսորցիումի վարչակազմի և նավատերերի հետ՝ նավի անվտանգությունն ապահովելու համար։ Գերատեսչությունը հայտնել է նաև Կասպիական խողովակաշարային կոնսորցիումի (CPC) տերմինալի մոտ MATILDA լցանավի հետ կապված միջադեպի մասին, որը պետք է բեռներ ղազախական նավթը հունվարի 18-ին։ Նավը փոխադրման համար վարձակալել է «Казмортрансфлот» ընկերությունը (КазМунайГаза -ի դուստր ձեռնարկությունը)։

Անօդաչու թռչող սարքի հարձակումը հանգեցրել է պայթյունի՝ առանց հետագա այրման։ Անձնակազմի մեջ վիրավորներ չեն եղել։ Նախնական գնահատականներով՝ նավը մնում է ծովագնացական, և նախնական ստուգման ընթացքում լուրջ կառուցվածքային վնասների նշաններ չեն հայտնաբերվել։ Վնասի գնահատումը ընթացքի մեջ է, պարզաբանել են ընկերությունից։

Կասպյան խողովակաշարերի կոնսորցիումը ղազախական նավթի արտահանման հիմնական ուղիներից մեկն է։ Այդ խողովակաշարով նավթը տեղափոխվում է Ղազախստանից Ռուսաստան, ապա արտահանվում այն ​​Սև ծովի Նովոռոսիյսկի մոտ գտնվող Կասպյան խողովակաշարերի կոնսորցիումի ծովային տերմինալով։ Այդ տերմինալը մշակում է Ղազախստանի նավթի արտահանման մոտ 80 տոկոսը։