Իտալիայի վարչապետի սև հումորը. Մի անհանգստացեք, հաջորդ տարի ավելի վատ է լինելու
Իտալիայի վարչապետ Ջորջիա Մելոնին երեքշաբթի օրը Հռոմի Պալացո Չիջիի իր գրասենյակի աշխատակիցներին խնդրել է լավ հանգստանալ Սուրբ Ծննդյան տոների ընթացքում, քանի որ նրանց դժվար աշխատանքային տարի է սպասվում, հաղորդում է Ansa-ն։
«Ես սիրում եմ ձեզ։ Մենք ընտանիք ենք և պայքարում ենք ամբողջ տարին,- ասել է Մելոնին Պալացո Չիջիի բակում իր աշխատակիցների հետ հանդիպման ժամանակ,- Անցած տարին դժվար էր բոլորիս համար, բայց մի անհանգստացեք, քանի որ հաջորդ տարի ավելի վատ է լինելու։ Հետևաբար, խորհուրդ եմ տալիս լավ հանգստանալ այս տոների ընթացքում, քանի որ մենք պետք է շարունակենք պատասխաններ տալ այս արտասովոր ազգին»,- կատակել է Մելոնին։
