Մեծ Բրիտանիայի պաշտպանության նախարարությունը հայտնել է Ուկրաինայում բրիտանացի զինվորի մահվան մասին
Մեծ Բրիտանիայի պաշտպանության նախարարությունը հայտնել է, որ Ուկրաինայում բրիտանական զինված ուժերի զինծառայող է մահացել՝ նոր պաշտպանական համակարգի փորձարկումներին հետևելիս։ «Ողբերգական պատահարը» տեղի է ունեցել երեքշաբթի առավոտյան, երբ զինվորը հետևել է, թե ինչպես են իր ուկրաինացի գործընկերները փորձարկում նոր պաշտպանական համակարգերը առաջնագծից հեռու, ասված է Մեծ Բրիտանիայի պաշտպանության նախարարության X սոցիալական մեդիա հարթակում հրապարակված հայտարարության մեջ։
Մեծ Բրիտանիայի պաշտպանության նախարար Ջոն Հիլին ասել է, որ «դատարկություն է զգում» զինվորի մահվան կապակցությամբ։
«Իմ մտքերը նրանց ընտանիքների, ընկերների և գործընկերների հետ են, ովքեր սգում են սիրելիի կորուստը։ Մեր սրտերը նրանց հետ են»,- հավելել է Հիլին։
