Լիբանանի նախագահը հայտնել է Իսրայելի հետ առաջիկա բանակցությունների ամսաթիվը
Լիբանանի նախագահ Ջոզեֆ Աունը հինգշաբթի հայտարարել է, որ Իսրայելի հետ բանակցությունների հաջորդ փուլը կսկսվի դեկտեմբերի 19-ին՝ այս շաբաթ անցկացված առաջին բանակցությունների արձագանքը «դրական» անվանելով, հաղորդում է Ֆրանսպրես գործակալությունը։
«Բնականաբար, առաջին նիստը շատ արդյունավետ չէր լինի, սակայն այն հիմք ծառայեց հաջորդ նիստերի համար, որոնք կսկսվեն այս ամսվա 19-ին»,- կառավարության նիստի ավարտին նրա խոսքերը մեջբերել է տեղեկատվության նախարար Պոլ Մորկոսը։
Աունը նշել է նաև, որ չորեքշաբթի բանակցությունների առաջին փուլի արձագանքը «դրական» է եղել և պնդել, որ Իսրայելի և Լիբանանի քաղաքացիական ներկայացուցիչների միջև ուղիղ բանակցությունների նպատակը «երկրորդ պատերազմից» խուսափելն է:
