Ռուսաստանը Ուկրաինայի հակամարտության կարգավորման շուրջ բանակցություններ է վարում միայն ԱՄՆ-ի հետ. Պեսկով
Ռուսաստանը Ուկրաինայում հակամարտության կարգավորման ծրագրի համաձայնեցված կետերի մասին տեղեկություն կստանա մինչև ԱՄՆ պատվիրակության Մոսկվա ժամանումը, ըստ «Коммерсантъ»-ի՝ հայտարարել է Ռուսաստանի նախագահի մամուլի քարտուղար Դմիտրի Պեսկովը։ Ըստ նրա՝ Ռուսաստանը ներկայում բանակցություններ է վարում միայն Միացյալ Նահանգների հետ:
«Մենք որոշակի պահեր ենք ստանում, որոնց շուրջ նրանք համաձայնության են գալիս»,- «Առաջին ալիք»-ի եթերում ասել է Պեսկովը։
Ըստ Կրեմլի պաշտոնական ներկայացուցչի՝ Մոսկվան ներկայում հաշվի չի առնում Եվրամիության դիրքորոշումը, որը հայտարարել է բանակցություններին միանալու անհրաժեշտության մասին։
Ակնկալվում է, որ հաջորդ շաբաթ Մոսկվա կայցելի ԱՄՆ պատվիրակությունը։ Ըստ The Telegraph-ի՝ ԱՄՆ վարչակազմը պատրաստ է ճանաչել Ռուսաստանի վերահսկողությունը Ղրիմի և Ռուսաստանի վերահսկողության տակ գտնվող այլ տարածքների նկատմամբ՝ Ուկրաինայի վերաբերյալ համաձայնության հասնելու համար։ Ռուսաստանի նախագահ Վլադիմիր Պուտինը հայտարարել է, որ Վաշինգտոնի կողմից Ղրիմի, Դոնեցկի և Լուգանսկի մարզերի ճանաչումը որպես Ռուսաստանի տարածք կլինի ԱՄՆ նախագահի խաղաղության ծրգարի շուրջ բանակցությունների առանցքային հարցը։
