Պուտինը ԱՄՆ-ում միջուկային փորձարկումների վերաբերյալ Թրամփի հայտարարությունը լուրջ խնդիր է անվանել
Ռուսաստանի նախագահ Վլադիմիր Պուտինը ԱՄՆ նախագահ Դոնալդ Թրամփի միջուկային փորձարկումների վերսկսման վերաբերյալ հայտարարության շուրջ ստեղծված իրավիճակը լուրջ խնդիր է անվանել։
«Այո, իսկապես, դա լուրջ խնդիր է»,-ըստ РИА Новости գործակալության՝ Ռուսաստանի Անվտանգության խորհրդի մշտական անդամների հետ հանդիպման ժամանակ ասել է Պուտինը։
Ավելի վաղ ԱՄՆ նախագահ Դոնալդ Թրամփը հայտարարել էր, որ հրամայել է միջուկային զենքի փորձարկումները անցկացնել «հավասար հիմունքներով» այն երկրների հետ, որոնք ենթադրաբար միջուկային զենքի փորձարկման ծրագրեր ունեն։
