Ռուսաստանի և Սիրիայի պաշտպանության նախարարները բանակցություններ են վարել Մոսկվայում
Ռուսաստանի պաշտպանության նախարար Անդրեյ Բելոուսովը Մոսկվայում հանդիպել է իր սիրիացի գործընկեր գեներալ Մուխրաֆ Աբու Կասրայի հետ, հաղորդում է «Коммерсантъ»-ը՝ հղում անելով Ռուսաստանի պաշտպանության նախարարությանը։
Բելոուսովը հիշեցրել է Ռուսաստանի և Սիրիայի նախագահների վերջին հանդիպումը և ընդգծել, որ ներկա բանակցությունները հաստատում են երկու երկրների միջև ակտիվ և արդյունավետ համագործակցությունը։
Նա հավելել է, որ նախագահների հանդիպումը նոր խթան է հաղորդել երկու երկրների միջև ռազմական հարաբերությունների զարգացմանը։
Գեներալ Աբու Կասրան շնորհակալություն է հայտնել Ռուսաստանի ղեկավարությանը այցը կազմակերպելու համար և ընդգծել է երկու երկրների միջև համագործակցության կարևորությունը։
Բանակցությունների ընթացքում կողմերը քննարկել են երկկողմ համագործակցության նոր ոլորտների իրականացումը։
