Ռուսաստանից Հայաստան բնական գազի մատակարարումը վերսկսվել է։ Այս մասին հայտնում է «Գազպրոմ Արմենիայի» մամուլի ծառայությունը։
ՌԴ Ստավրոպոլի տարածաշրջանում գտնվող «Հյուսիսային Կովկաս-Անդրկովկաս» մայրուղային գազատարի (DN 1400) վրա պլանային վերանորոգման աշխատանքների իրականացման համար մատակարարումները ժամանակավորապես դադարեցվել էին սեպտեմբերի 15-ից։
Ընկերությունը պարզաբանել է, որ վերանորոգման աշխատանքներն ավարտվել են նախանշված ժամկետից շուտ։
Հայաստանի սպառողների համար գազի մատակարարումը կատարվել է անխափան՝ շնորհիվ ներքին պաշարների և Իրանից ստացված վառելիքի լրացուցիչ ծավալների։
