ՄԱԳԱՏԷ-ի տեսուչները տեղյակ են Զապորոժիեի ԱԷԿ-ի վրա ուկրաինական ԱԹՍ-ների հարձակման մասին
Երեկ ուկրաինական անօդաչուները գրոհել էին ԱԷԿ-ի ուսումնավարժական կենտրոնը։ Նախնական տվյալներով՝ տուժածներ չկան։
Ատոմային էներգիայի միջազգային գործակալության (ՄԱԳԱՏԷ) տեսուչները տեղեկացվել են Զապորոժիեի ԱԷԿ-ի ուսումնամարզական կենտրոնի վրա ուկրաինական անօդաչուների հարձակման մասին։ Այս մասին ՌԻԱ Նովոստիին հայտնել է ԱԷԿ-ի հաղորդակցությունների գծով տնօրեն Եվգենյա Յաշինան։
Ավելի վաղ կայանի մամուլի ծառայությունը հայտարարել էր, որ սեպտեմբերի 11-ին ուկրաինական անօդաչու թռչող սարքերը հարձակվել են ԱԷԿ-ի ուսումնավարժական կենտրոնի վրա։ Տուժածներ չկան։ Հարված է հասցվել շենքին։ Էներգաբլոկների անվտանգ շահագործման ռեժիմները չեն խախտվել, ճառագայթային ֆոնը նորմալ է։
«Կայանում ներկա ՄԱԳԱՏԷ-ի փորձագետները տեղեկացվել են Ուկրաինայի զինված ուժերի կողմից Զապորոժիեի ԱԷԿ-ի ուսումնավարժական կենտրոնի վրա երեկվա հարձակման մասին», – ասել է Յաշինան։
Հիշեցնենք՝ Զապորոժիեի ԱԷԿ-ը գտնվում է Դնեպրի ձախ ափին՝ Էներգոդար քաղաքի մոտ։ Բլոկների թվով և հաստատված հզորությամբ ամենամեծ ատոմակայանն է Եվրոպայում։ ԱԷԿ-ում տեղադրված է վեց էներգաբլոկ՝ յուրաքանչյուրը 1 ԳՎտ հզորությամբ։ 2022 թվականի հոկտեմբերին ատոմակայանն անցավ ՌԴ-ի սեփականությանը։
