Ռուսաստանի մարզերի վրա գիշերվա ընթացքում ուկրաինական 17 ԱԹՍ է ոչնչացվել. ՊՆ
Ռուսական ՀՕՊ միջոցները գիշերվա ընթացքում ՌԴ մարզերի երկնքում ուկրաինական 17 անօդաչու են ոչնչացրել։ Այս մասին հայտնում է ՌԴ ՊՆ–ն։
«ՀՕՊ հերթապահ միջոցները անցած գիշերվա ընթացքում ուկրաինական ինքնաթիռատիպ 17 անօդաչու են ոչնչացրել, որոնցից 6-ը` Վորոնեժի տարածքի վրա, 5-ը` Բելգորոդի, 2-ը` Բրյանսկի, 2-ը` Կուրսկի, 1-ական անօդաչու` Լիպեցկի և Տամբովի մարզերի վրա», – ասվում է գերատեսչության հաղորդագրության մեջ։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։
