ՀՕՊ-ը մեկ գիշերվա ընթացքում ուկրաինական 7 ԱԹՍ է ոչնչացրել ՌԴ շրջանների վրա․ՊՆ
Ուկրաինական զորքերը պարբերաբար տարբեր միջոցներով, այդ թվում ՝ ԱԹՍ-ների միջոցով, գնդակոծում և գրոհում են ՌԴ տարածքը։
Հակաօդային պաշտպանության միջոցները մեկ գիշերվա ընթացքում ուկրաինական յոթ ԱԹՍ են ոչնչացրել Ռուսաստանի շրջանների վրա, հայտնում է ՌԴ ՊՆ-ն:
«Անցած գիշերվա ընթացքում՝ սեպտեմբերի 7-ի ժամը 23.05-ից մինչև սեպտեմբերի 8-ի ժամը 03.00-ն ընկած ժամանակահատվածում ՀՕՊ-ի հերթապահ միջոցների կողմից որսվել և ոչնչացվել են ուկրաինական 7 անօդաչու թռչող սարքեր՝ երեքը՝ Տուլայի մարզի տարածքում, երկուսը ՝ Սմոլենսկի մարզի տարածքում, մեկը՝ Բրյանսկի մարզի տարածքում, մեկը՝ Ռյազանի մարզի տարածքում»,- նշված է հաղորդագրության մեջ:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքերը պարբերաբար տարբեր միջոցներով, այդ թվում ՝ ԱԹՍ-ների միջոցով, գնդակոծում և գրոհում են ՌԴ սահմանամերձ մարզերը, մասնավորապես՝ Բելգորոդի, Բրյանսկի, Կուրսկի և Վորոնեժի մարզերը:
