Բաքվում հայտարարել են, որ Երևանը «պետք է ջանքեր գործադրի խաղաղության համաձայնագիր ստորագրելու համար»

Օգոստոսի 8-ին Հայաստանը և Ադրբեջանը միայն նախաստորագրել են Խաղաղության պայմանագիրը։ «Հայկական կողմը դեռ պետք է կոնկրետ քայլեր ձեռնարկի փաստաթղթի վերջնական ստորագրման և դրա հետագա իրականացման համար»։ Այս մասին Ֆրանսիական I24 News պարբերականին տված հարցազրույցում հայտարարել է Ադրբեջանի նախագահի հատուկ ներկայացուցիչ Էլչին Ամիրբեկովը, հաղորդում է «Ազատություն»-ը։

«Հայաստանի Սահմանադրությունում դեռևս կան դրույթներ, որոնք անընդունելի տարածքային հավակնություններ են պարունակում և հակասում են Ադրբեջանի ինքնիշխանությանն ու տարածքային ամբողջականությանը»։ Այս մասին հայտարարել է Ամիրբեկովը՝ հավելելով, որ «կայուն խաղաղություն հաստատելու համար Հայաստանի հիմնական օրենքը պետք է համապատասխանեցվի երկու երկրների կողմից արդեն նախաստորագրված խաղաղության համաձայնագրի տեքստին և ոգուն»։