ԻՐԱՎԱՊԱՀՆԵՐԸ ՃՆՇՈՒՄ ԵՆ ԵՐԻՏԱՍԱՐԴ ԿԱՄԱՎՈՐԱԿԱՆՆԵՐԻՆ

«Միասնական Հայաստան» հասարակական կազմակերպության նախագահ Վահան Կոստանդյանը աստիճանաբար վերականգնվում է օրեր առաջ իր նկատմամբ տեղի ունեցած բռնությունից հետո։
Հուլիսի 8-ին նրա աշխատասենյակ էին ներխուժել զինված իրավապահ մարմինները, ձերբակալել Վահանին ու տեղափոխել Ոստիկանության բաժին։
Վահանը այդ օրվա դեպքերը դեռ սարսուռով է հիշում։ Պատմում էր, որ դուռը ծեծել են, կինը գնացել է բացելու։ Այդ ժամանակ նա իր գրասենյակում է եղել և վարկյաններ անց լսել է կնոջ ճիչը։ Փորձել է մոտենալ դռանը՝ հասկանալու ինչ է կատարվում, երբ աշխատասենյակ են մտել ոստիկանները։
Առանց բացատրության, առանց խուզարկության որոշումն ներկայացնելու սկսել են գրասենյակը խուզարկել։ Ամբողջը տակնուվրա են արել։ Վահանի համար անգամ հասկանալի չի եղել , թե ինչ են նրանք փնտրում։
Խուզարկությունից հետո առանց ձերբակալման որոշում ներկայացնելու, Վահանին տեղափոխել են Ոստիկանության Երևան քաղաքի վարչության օպերատիվ հետախուզության բաժին:
Վահանի կինը Մարիամը ստացել է վնասվածքներ և դիմել է բուժկենտրոն, ավելի մանրամասն տեղեկություններ Վահանը չտվեց։Վահան Կոստանդյանը պատմում է, թե ինչպես են երկու օր շարունակ իրեն պահել բաժնում , ծեծի ու սպառնալիքների տակ ստիպել են ինչ որ խոստովանությունների տակ ստորագրի։ «Նրանք ստիպում էին խոստովանեմ, որ գումար են ինձ տվել հանրահավաքին մասնակցելու համար և կոնկրետ աննուններ էին ստիպում նշել, որոնք իբրև թե հովանավորում և ֆինանսավորում էին հանրահավաքները»։
Ում անուններն են եղել նրանց պարտադրած խոստովանություններում, Վահանը չգիտի, անծանոթ են եղել, բայց հասկանում էր, որ մարդիկ են, որոնց նկատմամբ ևս իշխանությունները մտադիր էին այդպիսով քաղաքական հաշվեհարդար տեսնել։ Ժամեր շարունակ հոգեբանական ու ֆիզիկական բռնությունների ու ճնշման տակ, Վահանը ստիպված ստորագրել է ։ Դրանից հետո պահանջել են Ոստիկանությանը տրամադրել ամբողջական տեղեկատվություն իր ղեկավարած կազմակերպության անդամների, ստացված ֆինանսավորման աղբյուրների մասին։ «Նույնիսկ ստիպում էին ստորագրեի և կազմակերպությունը հանձնեի ինչ որ անձի, որի անունը չեմ հիշում։ Նրանց ուզածը ինձ քաղաքական դաշտից հեռացնելն էր»,- այսպիսի եզրահանգման է եկել Վահան Կոստանդյանը՝ վերլուծելով տեղի ունեցած դեպքերը։