Սուրեն Պապիկյանը մաքրում է «Ղուկասյանական ժառանգությունը» ՊՆ-ից

Վերջին ամիսներին Պաշտպանության նախարարությունում նկատվում է որոշակի շարժ՝ ուղղված տարիներ շարունակ կուտակված բարոյահոգեբանական խնդիրների վերացմանը։ ՊՆ նախարար Սուրեն Պապիկյանը, ստանձնելով համակարգի ղեկավարությունը, ըստ մեր աղբյուրների, սկսել է կադրային վերանայում՝ նպատակ ունենալով արմատախիլ անել այն տարրերը, որոնք տարիներ շարունակ վայելել են անձեռնմխելիություն՝ Վարդան Ղուկասյանի ժամանակներից մնացած կապերի շնորհիվ։

Մասնավորապես, Սուրեն Պապիկյանը նախաձեռնել է ներքին ծառայողական ստուգումներ, որոնց շրջանակում արդեն արձանագրվել են մի շարք խախտումներ՝ ինչպես կարգապահական, այնպես էլ բարոյական դաշտում։ Անդրադարձ է կատարվում նաև այն աշխատակիցներին, որոնց վարքն ու միջանձնային հարաբերությունները հարցականի տակ են դնում զինվորական վարկանիշն ու պատիվը։

Վերջերս լայն տարածում գտած Վարդան Ղուկասյանի ուղիղ եթերը, որի ժամանակ նրան դիմել էին՝ իբր ՊՆ—ում նեղացնում են գեյերին, նույնպես մեծ արձագանք է ստացել։ Ղուկասյանը որոշեց հանրայինորեն պաշտպանել նրանց՝ հանրային ձայնի եթերում հայհոյելով Սուրեն Պապիկյանին և սպառնալով լուծել «հարցերը», եթե չվերականգնվեն համասեռամոլների իրավունքները։ Այս հրապարակային միջադեպից հետո Սուրեն Պապիկյանը դիմեց կտրուկ քայլերի՝ նպատակ ունենալով կարգի բերել ՊՆ—ի աշխատակազմը և բարձր պահել զինվորականների համբավը։ Արդեն երեք աշխատակից ազատվել են աշխատանքից իրենց դիմումիհամաձայն։

Այս ամենը, ըստ փորձագետների, վկայում է, որ Պաշտպանության նախարարությունը փորձում է դուրս գալ տարիներ շարունակ ձևավորված ստվերից և վերականգնել վստահությունը հասարակության և բանակի միջև։